You are here: නවතම පුවත් ආරක්ෂක

ආරක්ෂක - ලංකා පුවත්

කොටි සමඟ සබඳතා පැවැත්වූ අය පුනරුත්ථාපනය කිරිමට මූලික හදුනා ගැනීම සිදු කෙරෙයි

ඊ-තැපැල මුද්‍රණය පී.ඩී.එෆ් (PDF)

(කොළඹ, ලංකාපුවත්, අගෝස්තු 01) – මෙරට පැවති යුද වාතාවරණය නිමා වීමෙන් පසුව වර්තමානයේ දී වැඩි අවධානය රජය යොමු කර ඇත්තේ හානියට පත් ප්‍රදේශ ප්‍රතිසංස්කරණය කිරීමට මෙන්ම පුනරුත්ථාපන කටයුතු වෙනුවෙන් බව පුනරුත්ථාපන කොමසාරිස් ජනරාල්, මේජර් ජෙනරාල් දයා රත්නායක මහතා පවසයි. 

ඔහු සඳහන් කර සිටියේ කොටි සංවිධානය සමඟ ඍජුව මෙන්ම වක්‍රව ත්‍රස්ත කටයුතු සඳහා සහය දුන් පුද්ගලයින් 9,796දෙනෙකු දැනට වවුනියාවේ කඳවුරු 12කදී පුනරුත්ථාපනය සඳහා යොමු කර ඇති බවයි.

යුද හමුදාව සහ පොලීසිය මේ අය සම්බන්ධයෙන් අංශ ගණනාවක් යටතේ අධ්‍යයනයන් සිදු කර මින් සිටින බව ඔහු සඳහන් කළේය.
මෙලෙස සිටින අයගේ වයස් සීමාවන්, එල්. ටී. ටී. ඊ. ය සමඟ පැවැත්වූ සබඳතාවන්, ලබා ඇති අධ්‍යාපන සීමාවන් යන අංශ පිළිබඳව අවධානය යොමු කරමින් දැනට මූලික හදුනා ගැනීම සිදු කෙරේ. ඉන් අනතුරුව ඔවුන්ව යොමු කළ යුතු පුනරුත්ථාපන වැඩසටහන් සම්බන්ධයෙන් අවධානය යොමු කරන බව මේජර් ජෙනරාල් දයා රත්නායක මහතා සඳහන් කළේය.   

චානක ඉනෝජ් විසිනි

යුද හමුදාව හැර ගිය අයට නිත්‍යානුකූලව ඉවත් වීමට අවස්ථාවක්

ඊ-තැපැල මුද්‍රණය පී.ඩී.එෆ් (PDF)

(කොළඹ, ලංකාපුවත්, ජුලි 31) – විශේෂ බලකායට අයත් නිලයන්හී සේවය කොට නිත්‍යානුකූල නොවන අයුරින් යුද හමුදාවෙන් පැන ගොස් ඇති පුද්ගලයින්ට නිත්‍යානුකූලව යුද්ධ හමුදාවෙන් ඉවත් වීමට අවස්ථාව ලබා දී ඇති බව සීදුවේ ඇති විශේෂ බලකා රෙජිමේන්තු මධ්‍යස්ථානය නිවේදනය කරයි.

අගෝස්තු මස 24වනදා මෙම ඉවත් කිරිමේ කටයුතු ඇරඹෙන අතර එය සැප්තැම්බර් මස 14වන දින දක්වා සිදු කෙරේ.

මෙලෙස සේවයෙන් ඉවත්ව සිටින අයගේ අනන්‍යතාවය තහවුරු කර ගැනීම සඳහා පුද්ගලයින් ලියාපදිංචි කිරීමේ දෙපාර්තමේන්තුව විසින් නිකුත් කර ඇති ජාතික හැදුනුමිපත් රැගෙන රෙජිමේන්තු මධ්‍යස්ථානයට පැමිණිය යුතුවේ. ජාතික හැදුනුම්පත් නොමැති නම් එය අස්ථානගත වූ බවට පොලිස් ස්ථානය වෙත කරන ලද පැමිණිල්ලේ මුල්පිටපත හා ඡායා පිටපතක් සමඟ රියදුරු බලපත්‍රය, විදෙස් ගමන් බලපත්‍රය, තැපැල් දෙපාර්තමේන්තුව මඟින් නිකුත් කර ඇති හැදුනුම්පත රැගෙන ආ යුතුය.

ජාතික හැදුනුම්පතෙහි රක්‍ෂාව ලෙස ’යුද හමුදා සෙබළ’ යනුවෙන් සඳහන් කර ඇත්නම් යුද හමුදා සේවයෙන් අස්වීමේදී එය සංශෝධනය කළ යුතු බැවින් ඒ සඳහා මුද්දර ප්‍රමාණයේ ඡායාරූප 05 රැගෙන ඒම ද සිදු කළ යුතුව ඇත.

මෙහිදී යුද හමුදාව හැර ගිය සෙබළුන් විසින් භාර දී නොමැති යුද්ධ හමුදා හැදුනුම්පත, හමුදාව විසින් නිකුත් කර ඇති වෙනත් හැදුනුම්පත් මෙහිදී භාරදීම මගින් අදාළ සෙබළ අස්වීම් සහතිකය එදිනම ලබාගැනීමට අවස්ථාව හිමිවේ.

ආරක්ෂාව තහවුරු කිරීමට උතුරේ සෝදිසි මෙහෙයුම් තවදුරටත්

ඊ-තැපැල මුද්‍රණය පී.ඩී.එෆ් (PDF)

(කොළඹ-ලංකාපුවත්-ජූලි 31) උතුරේ ප්‍රදේශවල ආරක්ෂාව තහවුරු කිරීම සඳහා යුද හමුදා සෙබළුන් ඊයේ ( 30 ) දිනය පුරා මුලතිව් පුලියන්පොක්කනෙයි, පුදුකුඩිඉරුප්පු හා පුදුකුඩිඉරුප්පු නැගෙනහිර ප්‍රදේශවලදී සෝදිසි මෙහෙයුම් දියත් කර ඇත.
එහිදී කොටි ත්‍රස්තවාදීන් සඟවා තිබූ විවිධ යුද උපකරණ රැසක් යුද හමුදා සෙබළුන් සොයා ගෙන ඇති බව ජාතික ආරක්ෂාව පිළිබඳ මාධ්‍ය මධ්‍යස්ථානය ප්‍රකාශ කරයි.

යුද හමුදාවේ 57 වන සේනාංකය පුලියන්පොක්කනෙයි ප්‍රදේශයේදී විදුලි ඩෙටනේටර් 132ක්, මි.මි 60 මෝටාර් බෝම්බ 40ක්, මි.මි 60 මෝටාර් චාජර්ස් 20ක්, මි.මි 60 මෝටාර් ෆියුස් 09ක්, කිලෝ ග්‍රෑම් 2.5ක් බරැති ක්ලේමෝ බෝම්බ 03ක්, එම්.පී.එම්.ජී පතොරම් 900ක්, ආර්.පී.ජී චාජර්ස් 10ක්, ගෑස් බෝම්බ 09ක්, අත් බෝම්බ 06ක් හා එම්.පී.එම්.ජී අවි බැරල් 01ක් සොයා ‍ගෙන තිබේ.

එසේම යුද හමුදාවේ 02 වන කාර්ය සාධක බළකායේ සෙබළුන් විසින් පුදුකුඩිඉරුප්පු ප්‍රදේශයේදී ආර්.පී.ජී බෝම්බ 1100ක්, මි.මි 81 මෝටාර් බෝම්බයක්, මි.මි 60 මෝටාර් බෝම්බ 08ක්, මි.මි 7.62 පතොරම් 6000ක්, අත් බෝම්බ 04ක් හා මි.මි 82 මෝටාර් බෝම්බයක් සොයා ‍ගැනීමට සමත්ව ඇත.

මේ අතර පුදුකුඩිඉරුප්පු නැගෙනහිරදී එම්.පී.එම්.ජී පතොරම් 1224ක්, ටී.56 පතොරම් 2300ක්, මි.මි 60 මෝටාර් බෝම්බ 12ක්, අරුල් බෝම්බ 29ක්, ටී.56 ගිනි අවියක්, අත් බෝම්බ 18ක්, මි.මි 81 මෝටාර් බෝම්බ 07ක්, කිලෝ ග්‍රෑම් 02ක් බරැති ක්ලේමෝ බෝම්බයක්, ආර්.පී.ජී බෝම්බයක්, ටී.56 පිස්ටල් රින්ස් 1000ක් හා එල්.එම්.ජී ඩ්‍රම් 01ක් යුද හමුදාවේ 08 වන කාර්ය සාධක බළකායේ සෙබළුන් සොයාගෙන ඇති බව මාධ්‍ය මධ්‍යස්ථානය පවසයි.

නව යුධ හමුදා මෙහෙයුම් අධ්‍යක්ෂවරයා‍ වැඩ භාර ගනී

ඊ-තැපැල මුද්‍රණය පී.ඩී.එෆ් (PDF)

(කොළඹ-ලංකාපුවත්-ජූලි 31) ශ්‍රී ලංකා යුධ හමුදාවේ නව මෙහෙයුම් අධ්‍යක්ෂ ජනරාල්වරයා ලෙස මේජර් ජෙනරාල් ශවේන්ද්‍ර සිල්වා ඊයේ (30) වැඩ භාරගනු ලැබීය.

ත්‍රස්තවාදයෙන් උතුර මුදා ගැනීම සඳහා ඉතා දක්ෂ ලෙස අති විශිෂ්ඨ කාර්ය භාරයක් ඉටුකළ සෙන්පතියෙකු වූ බ්‍රිගේ‍ඩියර් ශවේන්ද්‍ර සිල්වා පසුගියදා මේජර් ජෙනරාල් ධූරයට උසස් කරනු ලැබීය.

යුද්ධය අවසන් කරන මොහොත වන විට බ්‍රිගේඩියර් ශවේන්ද්‍ර සිල්වා 58 වන සේනාංකාධිපතිවරයා ලෙස කටයුතු කළේය.

පාර්ලිමේන්තු මන්ත්‍රී විජේදාස රාජපක්ෂගෙන් ආබාධිත රණවිරුවන්ට රෝද පුටු

ඊ-තැපැල මුද්‍රණය පී.ඩී.එෆ් (PDF)

(කොළඹ-ලංකාපුවත්-ජූලි 31) රට වෙනුවෙන් ජීවිත පරිත්‍යාගයෙන් යුතුව සටන් වැද ආබාධිත තත්වයට පත්වූ වීරෝධාර රණවිරුවන්ට උපහාර පිණිස පාර්ලිමේන්තු මන්ත්‍රී විජේදාස රාජපක්ෂ මහතා විසින් ‍ඊයේ ( 30 ) රෝද පුටු 06ක් පරිත්‍යාග කළේය.

රාජ්‍ය ආරක්ෂක අමාත්‍යාංශ පරිශ්‍රයේදී ආරක්ෂක අමාත්‍යාංශ සේවා වනිතා ඒකකයේ සභාපතිනී අයෝමා රාජපක්ෂ මැතිණිය වෙත මෙම රෝද පුටු භාරදීම සිදුවූ බව ආරක්ෂක අමාත්‍යාංශ වෙබ් අඩවිය පවසයි.
 
මෙම අවස්ථාවේ රණවිරුවන් වෙත රෝද පුටු හා නිමි ඇඳුම් කට්ටලය බැගින්  ලබාදීමක්ද සිදුවිය. 

 

 


කොටි සමඟ හිතවත් වූ 9,796දෙනෙකු පුනරුත්ථාපනයට

ඊ-තැපැල මුද්‍රණය පී.ඩී.එෆ් (PDF)

(කොළඹ, ලංකාපුවත්, ජුලි 30) –  කොටි ත්‍රස්තවාදීන් සමඟ සම්බන්ධතා පැවැත් වූ උතුරේ පුද්ගලයින් 9,796දෙනෙකු පුනරුත්ථාපනය කිරීමේ ක්‍රියාවලියට රජය යොමු කර ඇති බව පුනරුත්ථාපන කොමසාරිස් මේජර් ජනරාල් දයා රත්නායක මහතා පැවසීය.
එම පිරිස් පුනරුත්ථාපනය සඳහා වව්නියාව සහ ඒ ආශ්‍රිත ප්‍රදේශවල ස්ථාන 12ක කඳවුරු පිහිටුවා ඇත.
 
එමෙන්ම නැගෙනහිර ප්‍රදේශයෙන් කොටි සමඟ සබඳකම් පැවැත් වූ පුදගලයින් 837දෙනෙකු ද පුනරුත්ථාපනය ලබන බව පුනරුත්ථාපන කොමසාරිස් ජනරාල්වරයා අද(30) කොළඹ පැවති මාධ්‍ය හමුවකට එක් වෙමින් ප්‍රකාශ කළේය.

කෙසේ වෙතත් දැනට මෙම කඳවුරුවල සිටින පිරිස දිනෙන් දින ඉහළ යන බව හෙතෙම කීය. දැනට ආරක්‍ෂක අංශ විසින් කරනු ලබන සෝදිසි මෙහෙයුම් මගින් සොයා ගනු ලබන පිරිස්, එමෙන්ම ස්වෙච්ඡාවෙන්ම අවතැන් කඳවුරුවල සිට බාරවන පිරිස් සහ වෙනත් ප්‍රදේශවලින් ත්‍රස්ත ක්‍රියාකාරකම්වලට උදව් වුණු අය සොයා ගැනීමත් සමගින් මෙම පිරිස ඉහළ යයි.

පුනරුත්ථාපන කොමසාරිස් ජනරාල්වරයා පැවසුවේ ඉදිරියේ දී මෙලෙස පුනරුත්ථාපන කඳවුරුවල සිටින පිරිස 15,000ත් 20,000ත් අතර සංඛ්‍යාවක් දක්වා වැඩිවිය හැකි බවයි.
  
එමෙන්ම මෙලෙස පුනතුරුත්ථාපන කඳවුරු වල සිටින පුද්ගලයින් අතරින් 455දෙනෙකු ලමුන් වන බව ද හෙතෙම සඳහන් කළේය.

චානක ඉනෝජ් විසිනි

08 වන කාර්ය සාධක බළකායෙන් සෝදිසි මෙහෙයුම්

ඊ-තැපැල මුද්‍රණය පී.ඩී.එෆ් (PDF)

(කොළඹ-ලංකාපුවත්-ජූලි 30) යුද හමුදාවේ 08 වන කාර්ය සාධක බළකායේ සෙබළුන් ඊයේ ( 29 ) දිනය පුරා මුලතිව් පුදුකුඩිඉරුප්පු නැගෙනහිර ප්‍රදේශයේදී සෝදිසි මෙහෙයුම් දියත් කර ඇති බව ජාතික ආරක්ෂාව පිළිබඳ මාධ්‍ය මධ්‍යස්ථානය පවසයි.

එම්.පී.එම්.ජී පතොරම් 400ක්, ටී.56 පතොරම් 5000ක්, ටී.56 ගිනි අවි 02ක්, ආර්.පී.ජී බෝම්බ 03ක්, ටී.56 හා ටී.81 අවි කොටස්, ටී.56 මැගසින් 10ක්, 12.7 පතොරම් 85ක්, මි.මි 09 පිස්තෝලයක් හා එම මැගසින් 01ක්, හඳුනානොගත් මැගසින් 01ක්, මි.මි 60 මෝටාර් බෝම්බ 17ක් එම සෙබළුන් සොයාගෙන ඇත.
 
එසේම සන්නිවේදන උපකරණයක්, හෑන්ඩ් මයික්ස් 02ක්, සී 4 පුපුරණ ද්‍රව්‍ය ග්‍රෑම් 500ක්, ජී.පී.එස් 01ක්, බැටරි චාජර් 01ක්, ෂොට් ගන් කාට්‍රිජස් 09ක්, එම්.පී.එම්.ජී ට්‍රයිපෝඩ් 05ක්, එෆ්.එන්.සී අවියක්, පීඩන බෝම්බ 11ක්, අත් බෝම්බ 60ක්ද එම ප්‍රදේශයෙන් හමුවී තිබේ.

මේ අතර කුරුප්පුමුඩේ ප්‍රදේශයේදී මි.මි 120 මෝටාර් බෝම්බයක්, මි.මි 50 මෝටාර් බෝම්බයක් යොදා සකස් කර මර උගුලක්ද මුරුසමුඩෙයි ප්‍රදේශයේදී මයික්‍රෝ වර්ගයේ පිස්තෝලයක්ද යුද හමුදා සෙබළුන් සොයා ගැනීමට සමත්ව ඇත.    

අපි වෙනුවෙන් අපි අරමුදලට රුපියල් මිලියනයක පරිත්‍යාගයක්

ඊ-තැපැල මුද්‍රණය පී.ඩී.එෆ් (PDF)

(කොළඹ-ලංකාපුවත්-ජූලි 30) අමෙරිකා එක්සත් ජනපදයේ වෙසෙන ශ්‍රී ලාංකිකයෙකු විසින් ‘අපි වෙනුවෙන් අපි’ රණවිරු නිවාස ව්‍යාපෘති අරමුදල වෙනුවෙන් මුදල් පරිත‍්‍යාගයක් සිදු කර ඇත.

බී. විජිත පෙරේරා නම් මොහු තම පුද්ගලික ධන පරිත්‍යාගයෙන් රුපියල් මිලියනයක මුදලක් ‍ඊයේ ( 29 ) පස්වරුවේ ආරක්ෂක ලේකම් ගෝඨාභය රාජපක්ෂ මහතා වෙත භාර දුන් බව ආරක්ෂක අමාත්‍යාංශය පවසයි.
 
ආරක්ෂක අමාත්‍යාංශයේ පැවැති හමුවකදී මෙම මුදල් පරිත්‍යාගය සඳහා වූ චෙක්පත විජිත මහතා විසින් ආරක්ෂක ලේකම් ගෝඨාභය රාජපක්ෂ මහතා වෙත නිළ වශයෙන් භාර දෙනු ලැබිණි.

 

ඡායාරූප රාජ්‍ය අාරක්ෂක අමාත්‍යාංශ ෙවබ් අඩවිය