|
“ඉර හඳ යට” ලොස් ඇන්ජලීස් හිදී ජූරියේ විශේෂ සම්මානයට |
 |
 |
 |
|
2010 ජූලි 27 වෙනි අඟහරුවාදා, 10:02 |
|
 (කොළඹ, ලංකාපුවත්) – ඇමෙරිකාවේ ලොස් ඇන්ජලීස් අන්තර්ජාතික සිනමා උළෙලේ වෘත්තාන්ත චිත්රපට සඳහා වූ තරගකාරී අංශය නියෝජනය කළ ශ්රී ලංකාවේ ප්රවීන අධ්යකෂවරයෙකු වන ඛෙනට් රත්නායකගේ “ඉර හඳ යට” චිත්රපටයට ජූරියේ විශේෂ සම්මානයක් හිමිව ඇත.
උතුරු-නැගෙනහිර අර්බුදය පාදක කොටගත් “ඉර හඳ යට” මීට පෙර 23 වැනි සිංගප්පූරු අන්තර් ජාතික සිනමා උළෙලට ආසියාකරයෙන් තෝරා ගත් විශිෂ්ට සිනමා කෘති 12 අතරට එක්වන්නට වරම් ලැබුණි.
ඒ අනුව එකී අන්තර් ජාතික සම්මාන උළෙලේදී මෙම චිත්රපටය විශිෂ්ට සම්මානයක් වන පරිපූර්ණ රංගන කුසලතා (Best Performance) සම්මානයට පාත්ර විය.
ලබන මාසයේ උතුරු කොරියාවේ පැවැත්වෙන පියොන්යෑං ජාත්යන්තර සිනමා උලෙලේදී ද මෙම චිත්රපටය ශ්රී ලංකාව නියෝජනය කරනු ඇත.
1998-2004 අතරතුර එල්. ටී. ටී. ඊ. සංවිධානය විසින් අත්අඩංගුවට ගන්නා ලද ලාංකික සොල්දාදුවන් දෙදෙනකු සිර කඳවුරක් තුළදී වන හමුවීමක් සහ එක් සොල්දාදුවකුගේ මරණය පිළිබඳව වක්ර වගකීම තමා සතු යෑයි කම්පාවට පත් අනෙක් සොල්දාදුවා තම මියගිය මේජර්වරයාගේ ජීවිතය අතීතය, වර්තමානය සහ අනාගතය සොයා කරන ගවේෂණය, ආදරය සහ මිනිස්තකම "ඉර හඳ යට" චිත්රපටය ඔස්සේ පිළිබිඹු කෙරේ. |
|
අවසන් යාවත්කාලීන කිරීම ( 2010 ජූලි 27 වෙනි අඟහරුවාදා, 11:33 )
|
