ලංකාපුවත්, ශ්‍රී ලංකා ජාතික ප්‍රවෘත්ති නියෝජිත ආයතනය.

(කොළඹ, ලංකාපුවත්, පෙබරවාරි 05) – කොළඹ වෛද්‍ය විද්‍යාලයේ කලා සංගමය දෙවන වරටත් සංවිධාන කරන ‘ සිත් රූ’ සිතුවම් දැක්ම අද(05) හෙට(06) සහ 07 වැනිදා යන තෙදියන්හිදී පෙ.ව. 10.00 සිට ප.ව. 5.00 දක්වා ලයනල් වෙනඩ්ට්හිදී පැවැත්වේ.

තෙල් සායම්, දිය සායම් හා අනෙකුත් සියලු මාධ්‍යයන්ගේ චිත්‍ර සිතුවම් හා මූර්ති ඇතුළත් ‘සිත් රූ’ ප්‍රදර්ශනය අද සවස 5.00 ට කොළඹ වෛද්‍ය පීඨයේ පීඨාධිපති මහාචාර්ය හර්ෂ ලාල් සෙනෙවිරත්න මහතාගේත්, ජාතික රෝහලේ විශේෂඥ වෛද්‍යවරුන්ගේත්, කලාකරුවන්ගේත් සහභාගිත්වයෙන් විවෘත වේ.

මේවන විට වෛද්‍ය විද්‍යාලයේ ඉගෙනුම ලබන සිසු සිසුවියන්ගේ චිත්‍ර හා මූර්ති ‘සිත් රූ’ ප්‍රදර්ශනයට ඇතුළත්ව ඇත.
ප්‍රදර්ශනය මහජනයා සඳහා නොමිලේ විවෘතව පවතී.